ILOILO CITY – Wala na sang backlogs sa Western Visayas Medical Center Subnational Laboratory kun pagproseso sang specimen ang pagahambalan.
Sa interview sang Bombo Radyo kay Dr. Stephanie Abello, chief pathologist sa nasambit nga hospital, iya ginpahayag nga sa subong, fully operational ang lima ka machines.
Suno kay Abello, ginagamit na sa pagproseso sang specimen ang tatlo ka RT-PCR machine kag duha ka RNA extraction machine.
Ginpahayag ni Abello nga ang masobra sa 700 ka specimen nga pinaka-ulihi nga gindala sa nasambit nga hospital ang natapos na sa pagproseso kag nagakadugayan lamang sa typing sang resulta.
