ILOILO CITY- Magapatigayon sang hog strike ang mga backyard hog raisers sa Panay kag Guimaras.
Magasugod ini bwas, Hulyo 15 kag magalawig tubtob sa Hulyo 29.
Ang pagpatigayon sang hog strike ang sabat sang mga nagasagod sang baboy sa tuman ka barato nga baklanay sang kada kilo sang buhi nga baboy apisar nga padayon ang pagtimbuok sang presyo sang feeds.
Sa Iloilo,ang average live hog price ang naga-range hali sa P120 tubtob P135 per kilo.
Suno kay Engr. Robert Nelson Chua, isa ka backyard hog raiser sa Passi City, ginapanawagan nila sa mga buyers nga magpasugot sa ginahingyo nga farm gate price ng P150 kada kilo sang buhi nga baboy.
Pahayag niya, samtang below P150 ang baligyaanay sang kada kilo sang buhi nga baboy, i-hold nila ang ila mga sapat kag ibaligya lang sa tion nga magtaas ang presyo sang baklanay sini.
