ILOILO – 100% compliant ang 180 ka barangay sa syudad sang Iloilo kun pagpasa sang Barangay Anti-Drug Abuse Council report ang pagahambalan.
Sa interview sang Bombo Radyo kay Shey Tanaleon, acting spokesperson sang Philippine Drug Enforcement Agency, iya ginpahayag nga katungdan sang mga barangay official nga magpasa sang Barangay Anti-Drug Abuse Council report kag sa tion nga mapaslawan sa pagpasa, mahimo sila nga pasakaan sang kaso.
Suno kay Tanaleon, ang City Proper area ang may pinakamadamu kun drug personality ang pagahambalan samtang ang Villa, Arevalo naman ang may pinakamagamay nga numero sang drug personality.
Ginpahayag ni Tanaleon nga indi niya mahimo nga ibuyagyag ang specific details bangud nga makabig ini nga confidential.
