JANIUAY, ILOILO– Magapungko na subong nga adlaw ang bag-o nga alkalde sang Janiuay Iloilo nga magabulos sa nabakante nga posisyon ni Mayor Frankie Locsin.
Sa interview sang Bombo Radyo kay Teodora Sumagaysay, Director sang Department of Interior and Local Government (DILG) Iloilo,iya ginpahayag nga subong nga adlaw magasumpa si Vice Mayor Ben Margarico bilang bag-o nga alkalde sang Janiuay sa diin iya ginbuslan si Mayor Frankie Locsin nga tubton subong nakahospital arrest matapos gindakop sang National Bureau of Investigation (NBI).
Magasumpa man suno kay Sumagaysay ang bag-o nga Vice Mayor sang banwa nga si Sangguniang Bayan (SB) Member Felizardo Amigable tal-os sa posisyon ni Margarico.
Ginpaathag naman ni Sumagaysay nga kun may yara sang permanent vacancy sa posisyon sang pagka-alkalde, automatic nga pagabuslan ini sang bise alkalde.
Ang magabulos naman sa nakabante nga posisyon ni Amigable ang magahalin sa ila partido bangud siya ang rason sa vacancy sa pagka konsehal sa ila banwa.
