Gina-forecast nga magasulod sa Philippine Area of Responsibility (PAR) karon sa gab-i ukon buwas sa aga ang isa na naman ka bagyo.
Ini nga tropical storm amo si Kong-Rey nga nahamtang sa nasidlangan sang PAR kag natalana nga tawgon nga Bagyo Leon kun nakasulod na sa Pilipinas.
Base sa forecast, amat-amat ini nga magabaskog kag makalab-ot sa severe tropical storm category sa Domingo kag mahimo nga typhoon sa Lunes.
Ini nga development ang kasunod man sang pag-lift sang PAGASA sang tanan nga tropical cyclone signals matapos nagbiya si Severe Tropical Storm Kristine alas dos kahapon sang hapon.
Ginalantaw nga maghulag si Kristine panakatundan sa West Philippine Sea kag magahimo sang U-turn kag maga-loop counterclockwise sa Domingo kag Lunes antes ini maghulag pa-nakatundan pakadto sa archipelago.
“However, this scenario heavily depends on the behavior of tropical cyclone Kong-rey over east of the PAR region and the behavior of other synoptic weather systems surrounding Kristine while over the West Philippine Sea,” suno sa PAGASA.
Ang interaction sang duha ka bagyo ang ginatawag sang meteorologists bilang Fujiwhara effect.
