Pormal na nga nagpungko si Colonel Nhel Richard Patricio bilang bag-o nga commander sang 301st Infantry Bayanihan Brigade sang Philippine Army.
Si Patricio ang nagbulos kay Brigadier General Michael Samson matapos ang malapit duha ka tuig nga serbisyo.
Ginpatigayon kahapon ang Change of Command Ceremony sa headquarters sang 301st Infantry Bayanihan Brigade sa Brgy. San Jose, Dingle, Iloilo.
Nangin presiding officer sa amo nga kahiwatan si Major General Marion Sison, Commander sang 3rd Infantry Division, Philippine Army nga gintambungan man sang nagakalain-lain nga partner agencies.
Sa interview sang Bombo Radyo kay Patricio, iya ginpasalig nga tapuson sini ang insurhensya sa Panay.
Nagpanawagan man ini sa mga rebelde nga magpanaog na kag magbalik na sa sabak sang gobyerno.
