Napirmahan na ni Iloilo City Mayor Jerry Treñas ang mga dokumento para sa procurement sang mga kinahanglanon sa ginatukod nga dialysis center sa East Baluarte, Molo, Iloilo City.
Sa interview sang Bombo Radyo kay Mayor Treñas, iya ginpahayag nga ‘3 patients at a time’ ang mahimo nga ma-akomodar sa amo nga dialysis center nga posible magabukas na sa masunod nga semana.
Nagsugod naman suno sa alkalde ang pagtukod sa isa pa ka dialysis center sa San Isidro, Jaro, Iloilo City.
Walo ka pasyente ‘at one time’ ang ma-akomodar sa nasambit nga center.
Suno kay Mayor Treñas, ginatutukan kag ginaduso man sang syudad nga makapatindog sang dugang nga mga ospital agud nga ma-akomodar ang tanan nga mga pasyente nga nagapadulong sa Iloilo City.
