Posible pa nga ma-extend ang suspensyon nga ginaatubang ni Cavite 4th District Rep. Kiko Barzaga.
Ini matapos magpasaka sang bag-o nga ethics complaint ang House of Representatives batok sa iya.
Suno kay Tingog Party-list Rep. Jude Acidre, ginakonsiderar na sang Kamara ang pagsumiter sang bag-o nga ethics complaint batok kay Barzaga tungod man sa iya mga ginbuhat pagkatapos nga mapatuman ang iya suspensyon sang Disyembre.
Madumduman nga ang una nga complaint batok kay Barzaga ginpasaka sang nagligad nga tuig tungod sa iya nga “disorderly behavior” kaangot sa iya mga social media posts.
