ILOILO CITY–Pagatutukan sang bag-o nga Iloilo City Police Office (ICPO) Director ang mga motorcycle riding-in-tandem incidents kag ilegal nga droga sa syudad.
Sa interview sang Bombo Radyo, ginpahayag ni ICPO Director Police Senior Superintendent Martin Defensor Jr. nga isa sa mandu nga pagatutukan niya amo ang mga isidente sang pagpangluthang sang riding-in-tandem kag pagtapna sang illegal nga droga.
Ini ang kasunod sang asud-asud nga pag pangluthang sang mga riding-in-tandem sa siyudad samtang sa buybust operation naman, patay ang mga subject tungod ginapahayag nagbato sa kapulisan.
Sunu kay Defensor, may yara na siya sang mga plano agud matapna ang mga nasambit nga problema.
Pagatun-an anay sang bag-o nga city director ang sitwasyon sang syudad agud mahapos sa iya matapna ang mga krimen nga nagaluntad sa iya nasakupan.