ILOILO CITY – Ginakabig ni anay Department of Health (DOH) Sec. Jannette Garin nga welcome development ang bag-o nga kaso nga ginpasaka batok sa ila ni anay Presidente Noynoy Aquino, sang grupo nga Gabriela sa Ombudsman.
Ini ang may kaangtanan sa kontrobesiyal nga Dengvaxia vaccines.
Sa interview sang Bombo Radyo kay Garin, iya ginpahayag nga gina-abi-abi sini ang bag-o nga kaso agud mahatagan na sang closure ang iskandalo.
Kahigayunan ini suno sa anay tiglikom nga iya i-plastar ang tanan nga mga dokumento nga makapamatuod tuhoy sa pagplano kag pagbakal sang Dengvaxia vaccine.
Masubo lang panumdumon suno kay Garin nga may yara sang iban nga luyag magtuga sang pagpatalang sa publiko tuhoy sa malain nga epekto sang bakuna sa lawas sang tawo.
Mas makapaayo suno sa anay tiglikom nga ang mga eksperto na mismo gikan sa World Helth Organization (WHO) ang makapaathag sa publiko agud nga maathagan ang kontrobersiya.