Balantayan ang bag-o nga kasumpong ni Pinoy boxing legend Manny Pacquiao matapos nag-back-out si Errol Spence Jr. bangud sa naangkon sini nga eye injury kadungan sang iya training.
Siya amo si WBA (Super) welterweight titlist Yordenis Ugas, “right-hander” nga boxidor kag may professional record nga 26-4 kag 12 knockouts (KOs).
Bag-o siya gin-promote bilang Super champion, nakuha ni Ugas ang WBA (regular) title sang 2020 matapos ginlutos si Abel Ramos para sa vacant title.
Sa interview sang Bombo Radyo kay Boxing Analyst Edwin Espejo, iya ginpahayag nga kilala bilang bronze medalist sa 2008 Beijing Olympic Games si Ugas kag naka-secure man sang pila ka gold medal sa 2006 Mianyang World Championships, 2006 Cartagena Central American and Caribbean Games, kag 2007 Rio Pan American Games.
Sang Enero, ginlista sang WBA si Pacquiao bilang “champion in recess” matapos napaslawan nga ma-depensahan ang titulo nga nadag-an batok kay Keith Thurman sang 2019 bangud sa COVID-19 pandemic.
Si Ugas ang ginpangalanan nga new champion.
Sa natalana nga sambuwa sa tunga nanday Pacquiao versus Ugas sa Agusto 21 sa Las Vegas, Nevada, ini na ang tyansa sang Pinoy boxing legend nga mabawi ang titulo.
