Ginsapubliko na sang Miss Universe organization ang Mouawad “Force for Good” crown nga gamiton sa ginakalangkagan nga international pageant sa January 2023.
Featured sa amo nga korona ang 110 carats sang blue sapphires kag 48 carats sang white diamonds.
Ang ginakabig star sa amo nga korona amo ang 45.14 carat royal blue sapphire nga amo gid ang makit-an sa peak of the crown.
Ini suno sa organisasyon ang nagasimbolo sang “goodness and hope for a brighter future.”
Ginpahayag man nga ini nga korona ang naga-represent sang bag-o nga era sang Miss Universe Organization matapos nabakal sang JKN Global Group ang franchise sang October.
Ini ang ikaduha nga Mouawad crown para sa Miss Universe matapos ginhatag ang “Power of Unity” crown nga amo ang gingamit sa queens sang 2019 tubtub sang 2021.
Ang amo nga korona ang may yara sang 62.83 carat golden canary diamond.
Patigayunon ang 71st Miss Universe sa January 14, 2023 sa New Orleans, Louisiana, United States.
Ang magatiglawas sa Pilipinas sa amo nga pageant amo si Miss Universe Philippines 2022 Celeste Cortesi.
