Nag isyu ang Department of Labor and Employment sang pagsulundan may kaangtanan sa Republic Act nga nagahatag benepisyo sa mga first time job seekers.
Suno kay Labor Secretary Silvestre Bello III, sa idalom sang Republic Act No. 11261 ukon ang First Time Jobseekers Assistance Act,hindi pwede nga icharge ang mga first job applicants nga maga kuha sang masunod nga dokumento:
Barangay certification
Police clearance
NBI Clearance
Medical certificate halin sa public hospitals magluwas sa laboratory tests kag iban pa nga medical procedures
Birth kag marriage certificates
Transcript of academic records
Certificate of graduation/completion /dimploma nga gin isyu sang state kag local universities
Taxpayer’s identification number
CSC Certificate of eligibility
PhilHealth ID
POEA certificates
Mayor’s clearance nga iisyu sang business processing kag licensing office
Prosecutor’s clearance
Municipal andregional trial court’s clearances
MARINA Certificates
TESDA national certificates of competencies sang mga nagpaidalom sa TESDA’s competency assessment
Dugang pa ni Bello, ang ini nga pagsulundan ang pabor sa ginabanta 1.3 million graduates kada tuig.
Apang ang ini nga benepisyo ang ma avail lang sang first-time jobseekers sang maka-isa kag isa lang ka kopya kada dokumento.
Para makuha ang nasambit nga benepisyo nagakadapat nga isa ka Filipino citizen ang job seeker, may yara sang barangay certification nga nagahambal ang job applicant ang residente sang nasambit nga barangay.
