ILOILO CITY – Gin-deploy sa Visayas ang pinakabag-o nga patrol vessel sang Pilipinas nagikan sa Japan, kasunod sang mga intelligence report nga plano sang mga terorista nga grupo nga magsulod sa Regon 6.
Ang BRP Malabrigo ang naga-dock subong sa Iloilo kag kaina, ini ang ginbuksan sa media.
Ginpahayag ni BRP Malabrigo captain Lt. Commander Geronimo Tuvilla nga ang ila deployment ang kabahin sang pagpasiguro sang seguridad sa Visayas kasunod sang engluwentro sang damlag lang sa Bohol sa tunga sang tropa sang gobyerno kag sang Abu Sayyaf.
Ang deployment nga para lang kuntani sa Semana Santa, ang ginpalawig.
Apang natalana man magpadulong ang nasambit nga barko sa Indonesia para magpakigbahin sa naval exercises kaupod ang Japan kag Indonesia.
May routine mission man ang BRP Malabrigo sa pagpatrolya sa Benham Rise.
Ginpabugal naman ni Lt. Cmdr. Tuvilla ang suno sa iya high-tech nga barko kun sa diin madasig ang pagresponde sa ano man nga insidente.
Magluwas nga ini ang bulletproof, sopistikado ang komunikasyon kag fire cannons sang barko.
Ang BRP Malabrigo ang ika-duha sa 10 ka mga patrol vessels nga kuhaon sang Pilipinas sa Japan kag ini ang na-commission sang Disyembre 2016.