Bag-o nga Phil. Army spokesman ginpasiguro ang transparency

ILOILO CITY – Ginpasiguro sang bag-o nga spokesperson sang Philippine Army nga mas mangin malapit ang suldado sa mga pumuluyo.
Sa interview sang Bombo Radyo kay Lt. Col. Ray Tiongson nga isa ka Ilonggo, ginpahayag sini nga pasangkadon pa sang militar ang community relations.
Si Tiongson ang nagtal-os kay Col. Benjie Hao nga sa karon na-assign sa Training and Doctrine Command ngaa nakabase sa Capas, Tarlac.
Antes nag-assume bilang Philippine Army spokesman, si Tiongson ang nagserbe deputy chief ni Col. Hao sa Philippine Army Public Affairs Office.
Si Tiongson ang anay spokesperson sang 3rd Infantry Division sang Philippine Army nga nakabase sa Western Visayas.
Siya ang miyembro sang Philippine Military Academy (PMA) Class 1997.