ILOILO CITY – Nagsumpa na ang bag-o nga set of officers sang Iloilo Festivals Foundation Inc. nga amo ang magadumala sa Dinagyang Festival 2020 kag iban pa nga festival sa syudad sang Iloilo.
Ang oathtaking ceremony ang ginpangunahan ni Iloilo Festivals Foundation Inc. chairman Rito Carlos Peña, Vice Chairman naman si Dr. Felipe Uygongco.
Nagsumpa man bilang President si Atty. Jobert Peñaflorida, Vice President si Dr. Ronald Sebastian, Treasurer si Dr. Roland Uy samtang Corp. Secretary naman si Angel De Leon Jr.
Ginpangunahan ni Dr. Rogelio M. Florete Sr., chairman sang Florete Group of Companies ang pagsumpa bilang miyembro sang Board kag chairman sang Media and Publicity Committee kaupod sanday John Alexander Que, Allan Ryan Tan, Philip Chua, Honorato Espinosa, Ivy Gurrea, Jose V. Layson kag Luis Tinsay.
Pagkatapos sang oathtaking ceremony, gilayon ini nga ginsundan sang press conference sa isa ka hotel sa syudad sang Iloilo.
Kadungan sini, ginpasalig ni Dr. Florete nga indi na masulit pa ang hitabo nga kasubong nga ginakabig nga second class citizen ang mga katapo sang media.
Suno kay Dr. Florete, sa iya nga pagpamuno bilang chairman sang Media and Publicity Committee, indi na masulit ang kasubong nga wala ginahatagan sang importansya ang mga katapo sang media samtang naga-cover sang nasambit nga selebrasyon.
