Nag-release na sang iya statement sa labing-una nga tion ang bag-o nga Supreme Leader sang Iran nga si Ayatollah Mojtaba Khamenei.
May mga espekulasyon nga nauna nagguwa nga nasamaran kag na-coma sa gyera si Mojtaba, apang wala gihapon ini nakumpirma bangud wala man siya gihapon nagpakita sa publiko sa broadcast.
Wala sang audio ukon video si Mojtaba, kundi laragway gid lamang sini ang nakabutang, kag ginbasa gid lamang sang presenter sa Iranian state TV ang iya pahayag.
Suno kay Mojtaba, nahibaluan na lamang sini ang pag-appoint sa iya bilang Supreme Leader paagi sa state TV.
Gin-ako sini nga mabudlayan siya sa pagsunod sa tapak sang iya amay nga amo anay ang Supreme Leader nga si Ayatollah Ali Khamenei nga ginpatay sang Estados Unidos kag Israel sa una nga adlaw sang pag-atake sang Pebrero 28.
“I had the opportunity to visit [the former Supreme Leader’s] body after his martyrdom. What I saw was a mountain of strength, and I heard that his healthy hand was clenched in a fist,” pahayag sang anak nga Khamenei.
Nagpasalamat ini sa tanan nga nagapakigbato para sa Iran.
Gin-mensyonar sini ang “warriors of the Resistance Front,” kag ginlaragway sila bilang suod nga mga abyan sang Islamic Republic. Ini ang ginahangop nga nagatumod sa network sang armado nga proxy groups sa bilog nga Middle East.
“The brave and faithful Yemen did not stop defending the oppressed people of Gaza, and the devoted Hezbollah has come to the aid of the Islamic Republic despite all obstacles, and the Iraqi resistance has also courageously taken the same line,” kabahin pa sang statement.
Madumduman nga wala pa nakapahilabot ang Houthi rebels sang Yemen halin sang nag-umpisa ang gyera. Sa pihak nga bahin, naka-atake naman ang Hezbollah sa Israel, kag nagbalos naman ang Israeli Defense Forces paagi sa military assault sa Lebanon.
MENSAHE PARA SA IRANIANS
Nagpadala man sang mensahe sang simpatiya si Mojtaba sa tanan nga Iranians nga nadulaan sang mga himata kag mga propiedad bangud sa giyera. Ginpahayag sini nga mangin siya ang nadulaan man sang amay, iloy, asawa, utod, kag iban pa nga mga pinalangga sa kabuhi.
Sa iya mensahe, gin-engganyo sini ang mga tawo sa ila pungsod nga magpabilin nga may pagtuo bangud magatimalos sila.
Dugang sini, “[Iran would not] refrain from avenging the blood of your martyrs. The revenge we intend is not only related to the martyrdom of the Supreme Leader of the Revolution; rather, every member of the nation who is martyred by the enemy is an independent subject for the revenge case.”
“We will receive compensation from the enemy, and if he refuses, we will take as much of his property as we determine, and if that is not possible, we will destroy the same amount of his property,” deklarasyon sang Supreme Leader.
MGA PAANDAM
Dugang ni Mojtaba, padayunon sini ang pagsirado sa Strait of Hormuz nga isa ka kritikal nga alagyan sang daku nga suplay sang langis nga kinahanglan sang madamo nga mga pungsod.
“Studies have been conducted on opening other fronts in which the enemy has little experience and will be extremely vulnerable in them, and their activation will be carried out if the war situation continues and based on the observance of interests,” pahayag pa sini.
Pahayag pa niya, nagapakig-abyan ang Iran sa ila mga kaiping nga pungsod sa rehiyon, apang naga-establisar ang kasumpong sang military kag financial bases. Ini ang rason sang missile kag drone attacks sang Tehran sa ila Gulf neighbors halin sa nagligad pa nga 13 ka adlaw.
Dugang niya: “Some military bases were used [in the ongoing U.S.-Israeli attack] and naturally, as we had explicitly warned, we simply attacked those bases without attacking those countries. From now on, we will inevitably continue to do so, although we still believe in the need for friendship between ourselves and our neighbors. These countries must make their duty clear to the invaders of our beloved homeland and the murderers of our people. I recommend that they close those bases as soon as possible; because they must have realized by now that the claim of establishing security and peace by America was nothing more than a lie.”
Nagpaandam man ini nga buksan ang “other fronts” sa gyera kun magpadayon sa pagpamomba ang US kag Israel.
Una na nagpaandam ang US kag Israel nga puntariyahon nila ang bag-o nga Supreme Leader kag indi ini magdugay sa iya posisyon.#
