ILOILO CITY — Nagpungko na sa pwesto ang bag-o nga Medical Center Chief sang Western Visayas Medical Center.
Ini amu si Dr. Joseph Dean Nicolo kag nagtal-os sa anay Officer-in-Charge nga si Dr. Ma. Christina Wu nga nagsugod sa pagpangalagad sang Marso.
Suno kay Dr. Nicolo, nabaton sini ang mandu sang Pebrero 15, sa diin mayor sini nga katungdanan amu ang pagdumala sang amu nga hospital, pagbulig sa mga imol ilabi na nga isa ini ka government hospital, mangin patas, kag maglikaw sa korapsyon.
Pahayag sini, tadlungon sini ang pagpalakat sa hospital, lakip na ang ginareklamo nga PhilHealth sharing, sa diin iya ini paga-imbestigaran kag lantawon ang pagsulundan tuhoy sini.
Tuhoy naman sa pagbinatasan sang mga hospital personnel, pahayag sini padayunon ang pag-training agud mangin maayo ang pag-atubang sang mga ini sa mga pasyente kag makahatag man sang maayo nga serbisyo.