Sa kalibutan, madamo sang butang ang makapatay sa isa ka tinuga kasubong sang sapat kag tawo.
Halimbawa, disgrasya, pandemya, bagyo kag iban pa apang nakahibalo ka bala nga may yara sang sapat nga bisan matapakan sang salakyan indi madutlan ni kamatayan?
Husto ang imo natabian!
Ang amo nga sapat amo ang Ironclad Beetle ukon sahi sang bagangan.
Sa experiment nga ginpatigayon sang mga scientist sa North America, ginpatapakan nila sa salakyan sang makaduha ka bes ang Ironclad Beetle apang mabaskog kag buhi ini sa gihapon.
Ano ayhan ang rason?
Natukiban nga ang nasambit nga sapat ang may yara sang jigsaw-like mechanism sa ila exoskeletons nga makasarang sang force nga 39,000 times nga mas mabug-at kun ipaanggid sa ila body weight.
Ang crush-resistant exoskeletal forewings ang ginatawag nga elytra kag nagahatag sang proteksyon sa Ironclad Beetle.
Apisar sini, madamo sa gihapon ang nagatuon tuhoy sa superpower sang nasambit nga sahi sang bagangan.
