Nagpaguwa sang joint statement ang coalition sang lima ka dalagku nga mga partido sa Kamara bilang pagpakita sang suporta sa operasyon sang Philippine National Police (PNP) batok sa Kingdom of Jesus Christ (KJC) founder nga si Pastor Apollo Quiboloy.
Ini amo ang Alyansa Para sa Bagong Pilipinas ang ginabug-usan sang Partido Federal ng Pilipinas (PFP), Lakas-CMD, the Nationalist People’s Coalition (NPC), Nacionalista Party (NP) kag National Unity Party (NUP) — lunsay kaalyado sang Marcos Jr. administration.
Suno sa coalition, nagapati ini nga wala sang bisan sin-o nga tawo nga mas mataas pa sa layi gani ginatahod sini ang operasyon sang pulis nga nagahimo gid lamang sang ila trabaho.
Ginhingyo man sang mga partido ang mga Pilipino nga magpabilin nga vigilante apang kalmado kag saligan lamang ang proseso nga amo ang naga-proteher sang demokrasya sang Pilipinas.
“The Alyansa Para sa Bagong Pilipinas is resolute in its belief that no one is above the law. We call upon all Filipinos to remain vigilant but calm, trusting in the processes that safeguard our democracy. Our nation’s strength lies in our collective adherence to the law, and we must all contribute to ensuring that justice is served. Let us move forward together, upholding the principles of justice, peace, and oder, for the betterment of our country,” kabahin sang statement.
“Together, let us continue to strive for a just and an orderly society, where the rights of every individual are protected and respected,” dugang pa sa pahayag.
Ini nga statement sang alyansa ang gin-isyu matapos gin-claim sang mag-amay nga Vice President Sara Duterte kag former President Rodrigo Duterte nga may abuso sa police power kag harassment sa religious worshippers sa KOJC compound kun sa diin ginapatihan nga nagapanago ang pastor.
Abril sang nag-isyu ang korte sa Davao kag Pasig sang warrants of arrest kay Quiboloy bangud sa human trafficking kag sexual abuse cases.
Sang November 2021, na-indict man si Quiboloy sang federal grand jury sa United States District Court for the Central District of California kag may napaguwa man nga federal warrant para sa iya.
