Napabilin sang Bagyo Crising ang kabaskugon sini samtang amat-amat nga nagapalayo sa Extreme Northern Luzon.
Ulihi nga nakit-an ang sentro sini 125 km nakatundan naaminhan-nakatundan ang Calayan, Cagayan.
Dala sini ang kabaskugon sang hangin nga 85 km/h malapit sa sentro kag pagmadlos nga tubtub sa 115 km/h.
Nagapabilin sa Signal No. 2 ang masunod nga areas sa Luzon:
*Batanes, northern portion of Cagayan lakip na ang Babuyan Islands, Ilocos Norte, northern and central portions of Apayao, kag ang northeastern portion of Abra
Yari naman ang areas nga nagapabilin sa Signal no. 1:
*Nabilin nga bahin sang Cagayan, northern portion of Isabela, nabilin nga bahin sang Apayao, nabilin nga bahin sang Abra, Kalinga, Mountain Province, Ifugao, northern portion of Benguet, kag ang northern portion of La Union
Sa track forecast, ginalantaw nga magahulag si Crising pakadto sa direksyon nga nakatundan naaminhan-nakatundan pakadto sa southern China.
Mahimo ini magguwa sa Philippine Area of Responsibility subong nga aga ukon sa temprano nga bahin karon sa hapon.
Antes magguwa, mahimo ini magbaskog pa kag maglab-ot anay sa Severe Tropical Storm category.
