Ginkumpirmar sang Philippine Atmospheric, Geophysical and Astronomical Services Administration (PAGASA) nga nakagguwa na sa Philippine Area of Responsibility (PAR) ang bagyong Isang subong nga Sabado.
Sa pinakaulihi nga report sang PAGASA, yara gihapon sa 65 km/h ang kabaskugon sang hangin kag may pagbugso nga naga-abot tubtob 80km/h.
Nagahulag ini westward sa 25km/h.
Apisar pa nga nakaggwa na sa PAR, ginapabaskog gihapon sang bagyo ang habagat (southwest monsoon), rason nga ginapaandaman ang mga pumuluyo sa posible nga mga pag-ulan sa pila ka bahin sang Luzon, Visayas, kag Mindanao.
Antes pa man maggwa ang bagyo, ginpatuman sang PAGASA ang Tropical Cyclone Wind Signal No. 1 sa pila ka lugar sa Northern Luzon, lakip na ang Ilocos Region, Cordillera, kag mga bahin sang Cagayan Valley.
