Nagbaskog pa kag nangin isa na ka Super Typhoon ang Bagyo nga si ‘Julian’.
Mahinay naman ini nga nagahulag.
Ginalauman naman nga nagwa ini sa Philippine Area of Responsibility (PAR) subong nga adlaw.
Apang malip-ot lang ang tyempo nga yara ini sa gwa sang pungsod magabalik naman ini sa Myerkules.
Sa Myerkules sang aga ukon sa hapon, ginalauman naman nga mag-landfall ini sa Taiwan.
Liwat naman ini nga magwa sa pungsod sa Huwebes sang hapon.
Ang mata sang Super Typhoon Julian ang ginabanta yara sa kalayuon nga 205 kilometer West sang Itbayat, Batanes.
Dala sini ang kabaskugon sang hangin nga nagadangat sa 185 km/h malapit sa sentro kag may pagmadlos nga nagadangat sa 230 km/h.
Mahinay ini nga nagahulag West northwestward.
Sa subong napaidalom sa Tropical Cyclone Wind Signal No. 2 ang mga masunod nga lugar sa diin may yara sang minor to moderate nga pamahog sa kabuhi kag propedad:
Luzon:
Batanes, Babuyan Islands, the northern portion of Ilocos Norte, kag northwestern portion sang mainland Cagayan.
Sa subong napaidalom naman sa Tropical Cyclone Wind Signal No. 1 ang mga masunod nga lugar sa diin may yara sang minimal to minor nga pamahog sa kabuhi kag propedad:
Luzon:
Nabilin nga bahin sang Ilocos Norte, Ilocos Sur, La Union, Pangasinan, Apayao, Kalinga, Abra, Mountain Province, Ifugao, Benguet, nabilin nga bahin sang mainland Cagayan, Isabela, Quirino, Nueva Vizcaya, the northern portion sang Aurora kag northern portion sang Nueva Ecija.
