Padayon nga nagabaskog ang Bagyo Nando samtang nagahulag ini pa-aminhan nakatundan sa Philippine Sea.
Ginabulubanta nga yara sa 770 kilometros ang sentro sang mata sang bagyo sa sidlangan sang Echague, Isabela.
May kabaskugon ini sang hangin nga 140 kilometros por ora malapit sa sentro, kag pagmadlos tubtob 170 kilometros por ora.
Nagahulag ini pa-Northwest sa kadasigon nga 10 kilometros por ora.
Ginapataas naman ang Signal No.1 sa mga lugar nga ginalakipan sang Batanes, Cagayan, Isabela, Quirino, kag pila ka bahin sang Nueva Vizcaya, Aurora, Catanduanes, kag Cordillera.
Ginapaandaman ang mga residente sa nasambit nga mga lugar batok sa posible nga epekto sang mabaskog nga pag-ulan, hangin, kag nagataas nga balod.
Padayon ang pagmonitor sang mga otoridad sa paghulag sang bagyo agud mahatagan sang gilayon nga paandam kag giya ang publiko.
