Nag-warning ang Department of Science and Technology (DOST) sa publiko batok sa posible nga epekto sang Bagyong Nando sa madamo nga bahin sang Luzon.
Suno kay DOST-PAGASA Assistant Weather Services Chief Chris Perez, may dako nga posibilidad nga magadala ini sang mabaskog nga mga ulan kag hangin, bangud sa padayon nga pagbaskog sang bagyo samtang yara pa ini sa sidlangan nga bahin sang baybayon sang Pilipinas.
Ginpahayag ni Perez nga posible nga maglab-ot na ini sa typhoon category buwas, kag padayon pa nga magbaskog samtang nagasulod sa Philippine Area of Responsibility (PAR).
Pag-abot sang Lunes, may posibilidad nga mangin isa ini ka supertyphoon kun mapadayon ang iya pagbaskog nga amo ang una nga supertyphoon nga mabatyagan sang Pilipinas sa sining tuig.
