Bagyo Nika, nagbaskog pa bilang Severe Tropical Storm
Nagbaskog pa bilang isa ka Severe Tropical Storm ang Bagyo nga si Nika.
Mahimo naman ini nga mangin typhoon subong nga adlaw.
Maga-landfall ini sa Isabela ukon Aurora bwas sa hapon, Nobyembre 11.
Ang sentro sang Typhoon Marce ang ginabanta yara sa 690 km East sang Infanta, Quezon.
Dala sini ang kabaskugon sang hangin nga nagadangat sa 100 km/h malapit sa sentro kag pagmadlos nga tubtob sa 125 km/h.
Nagahulag ini pa West Northwestward sa kadasigon nga 30 km/h.
Sa subong, nabatak naman ang Tropical Cyclone Wind Signal No. 2 sa pila ka mga lugar sa Luzon, sa diin may yara sang minor to moderate nga pamahog sa kabuhi kag propedad.
LUZON
Southeastern portion sang Isabela kag northern portion sang Aurora.
Sa subong, nabatak naman ang Tropical Cyclone Wind Signal No. 1 sa pila ka mga lugar sa Luzon, sa diin may yara sang minimal to minor nga pamahog sa kabuhi kag propedad.
LUZON
Southern portion sang Cagayan, nabilin nga bahin sang Isabela, Quirino, Nueva Vizcaya, southeastern portion sang Kalinga, eastern portion sang Mountain Province, Ifugao, eastern portion sang Pangasinan, nabilin nga bahin sang Aurora, Nueva Ecija, northeastern portion sang Pampanga, northern kag eastern portions sang Bulacan, eastern portion sang Quezon lakip na ang Polillo Islands, Camarines Norte, Camarines Sur, Catanduanes, kag northeastern portion sang Albay.
