Nagbaskog pa ang Typhoon Ofel kag malapit na lang nga mangin Super Typhoon.
Maga-landfall naman ini sa eastern coast sang Cagayan ukon northern Isabela karon sa hapon.
Ang sentro sang Typhoon Ofel ang ginabanta yara sa kalayuon nga 215 km East sang Echague, Isabela.
Dala sini ang kabaskugon sang hangin nga nagadangat sa 165 km/h malapit sa sentro kag pagmadlos nga tubtob sa 205 km/h.
Nagahulag ini pa West northwestward sa kadasigon nga 30 km/h.
Sa subong, nabatak sa gihapon ang Tropical Cyclone Wind Signal No. 4 sa pila ka lugar sa Luzon, sa diin may yara sang significant to severe nga pamahog sa kabuhi kag propedad.
LUZON
Northeastern portion sang mainland Cagayan.
Sa subong, nabatak sa gihapon ang Tropical Cyclone Wind Signal No. 3 sa pila ka lugar sa Luzon, sa diin may yara sang moderate to significant nga pamahog sa kabuhi kag propedad.
LUZON
Northwestern, central, kag eastern portions sang mainland Cagayan lakip na ang Babuyan Islands, northeastern portion sang Isabela kag northern portion sang Apayao.
Sa subong, nabatak sa gihapon ang Tropical Cyclone Wind Signal No. 2 sa pila ka lugar sa Luzon, sa diin may yara sang minor to moderate nga pamahog sa kabuhi kag propedad.
LUZON
Batanes, nabilin nga bahin sang Cagayan, northwestern kag southeastern portions sang Isabela, nabilin nga bahin sang payao, northern portion sang Kalinga, northern kag central portions sang Ilocos Norte.
Sa subong, nabatak sa gihapon ang Tropical Cyclone Wind Signal No. 1 sa pila ka mga lugar sa Luzon, sa diin may yara sang minimal to minor nga pamahog sa kabuhi kag propedad.
LUZON
Nabilin nga bahin sang Isabela, Quirino, Nueva Vizcaya, nabilin nga bahin sang Abra, nabilin nga bahin sang Kalinga, Mountain Province, Ifugao, northern portion sang Benguet, nabilin nga bahin sang Ilocos Norte, Ilocos Sur, northern portion sang La Union, kag northern kag central portions sang Aurora.
