Nakaguwa na si Severe Tropical Storm Paolo sa Philippine Area of Responsibility (PAR).
Sandig sa alas singko sa kaagahon nga weather bulletin sang DOST-PAGASA subong nga Sabado, Oktubre 4, ulihi nga nakit-an ang bagyo sa kalayuon nga 295 kilometros nakatundan sang Sinait, Ilocos Sur.
Dala sini ang kabaskugon sang hangin nga 110 km/h malapit sa sentro kag pagmadlos nga tubtub sa 135 km/h.
Apisar nagahulag na pakadto sa southern China, may areas sa gihapon sa Luzon nga napaidalom sa Signal no. 1 nga amo ang masunod:
*western portion of Abra, western portion of Benguet, southern portion of Ilocos Norte, Ilocos Sur, La Union, the western and central portions of Pangasinan, kag northern portion of Zambales
Nagpaandam man ang bureau sang minimal tubtub moderate risk sang storm surge nga magalab-ot sa kataason nga 1.0 tubtub 2.0 m sa sulod sang 12 oras sa Ilocos Norte, Ilocos Sur, La Union, Pangasinan, and Zambales.
Sa track forecast, nakabutang nga magahulag si Paolo pa-nakatundan naaminhan-nakatundan pakadto sa southern China.
Samtang nagahulag ini sa West Philippine Sea, magabaskog ini liwat kag magabalik sa typhoon category subong nga aga ukon karon sa hapon.
“Considering these developments, the public and disaster risk reduction and management offices concerned are advised to take all necessary measures to protect life and property. Persons living in areas identified to be highly or very highly susceptible to these hazards are advised to follow evacuation and other instructions from local officials,” kabahin sang post sang PAGASA.
Ang Bagyo Paolo amo ang ika-16 nga tropical cyclone nga nagsulod sa Pilipinas subong nga 2025.
