Nagapabilin ang kabaskugon sang Bagyo Rosal subong nga gab-i, samtang yara na ini sa nasidlangan nga kadagatan sang Taiwan, alas-11 subong nga gab-i, Oktubre 23.
Base ini sa pinakaulihi nga weather update sang DOST-PAGASA.
Ulihi ini nga na-monitor sa kalayuon nga 460 km sa Northern part sang Itbayat, Batanes, nga may kabaskugon sang hangin nga 155 km/h malapit sa sentro nga may kabaskugon nga nagalab-ot sa 190 km/h.
Nahibaluan nga nagapabilin man nga yara sa Tropical Cyclone Wind Signal No. 1 sa Batanes.
Sa forecast, ginapaabot nga makaguwa na sa kaagahon sang Oktubre 24 ang bagyo sa Philippine Area of Responsibility (PAR).
