Nakaguwa na si Bagyo Uwan sa Philippine area of responsibility apang mangin maulanon sa gihapon ang tyempo sa northern Luzon.
Sa alas kuatro sa kaagahon nga forecast sang state weather bureau, ginsiling nga nga sentro sang bagyo ang nakit-an sa kalayuon nga 290 kilometros nakatundan naaminhan-nakatundan sang Laoag City, Ilocos Norte ukon 355 nakatundan sang Calayan, Cagayan.
May kabaskugon ini sang hangin nga 120 km/h malapit sa sentro kag pagmadlos nga tubtub sa 150 km/h.
Apisar sini nga development, may areas pa sa Luzon nga nagapabilin sa Wind Signal Nos. 1 and 2.
Pasado ala una kaina sang kaagahon sang nagguwa sa PAR ang bagyo, apang gina-forecast nga magasulod ini liwat sa PAR sa buwas sang gab-i.
” It may re-enter PAR tomorrow (12 November) evening as it makes landfall over the southwestern coast of Taiwan, resulting in further weakening. It will then emerge over the waters near Ryukyu Islands on Thursday (13 November), where it is expected to eventually weaken into a remnant low on Friday (14 November),” suno sa PAGASA.
Ginbawi naman sang state weather bureau ang storm surge warning nga naangot sa Uwan, apang may paandam nga mangin maulanon sa Ilocos Region, Cordillera Administrative Region, kag sa Cagayan subong nga adlaw.
Mangin magal-umon naman kag may lapta-lapta nga pag-ulan sa Western Visayas kag sa iban nga parte sang Luzon bilang resulta man sang bagyo.
