Nagbilin sang daku nga halit si Bagyong Wipha (nga una ginhingadlan nga Crising) sa Hong Kong samtang ginpatuman ang Signal No. 10 — ang pinakamataas nga alert level sang bagyo sa nasambit nga lugar.
Direkta nga natandog sang bagyo ang teritoryo sang Hong Kong kag ginapaabot nga magalandfall ang sentro sini sa probinsya sang Guangdong sa Southern China kagab-i.
Bangud sa mabaskog nga ulan kag hangin nga dala sang bagyo, nagresulta ini sa seryoso nga pagka-delay sa operasyon sang Hong Kong International Airport.
Masobra 500 ka flights ang nakanselar kag ginabug-usan sang kapin 100,000 ka mga pasahero ang naapektuhan humalin pa sang Sabado.
Samtang, nagpagwa naman sang advisory ang Embahada sang Pilipinas sa Vietnam para sa mga Pilipino nga yara sa northern nga bahin sang nasambit nga pungsod.
Ginapanugyanan sang embahada ang tanan nga mangin alerto kag magsunod sa mando sang lokal nga otoridad, kag magpanghanda batok sa posible nga epekto sang bagyo.
