ILOILO CITY – Wala na naga-eksperyensya sang masami nga pagbaha ang Brgy. Jereos, La Paz, Iloilo City.
Sa interview sang Bombo Radyo kay Brgy. Kagawad Mary Bet Gallofin sang nasambit nga lugar, iya ginpahayag nga humalin sang una, baha ang isa sa mayor nga problema sa ila barangay.
Suno kay Gallofin, sa tion nga madali na lang nga maglapaw ang tubig sa suba, ginapanugyanan na ang mga pumuluyo nga mag-evacuate sa ila covered gym.
Ginpahayag ni Gallofin nga kun mag-awas ang suba, nalab-ot sang tubig-baha ang idalom sang mga pamalay nga malapit sa area.
