Sang damlag lang, napun-an ang mga balita sang pagtaas sang tubig- baha dala sang habagat.
Apang may batasan kita nga mga Filipino nga apisar yara na sa tunga sang bagyo, wala sa gihapon sang makapugong sang aton pagkamalipayon sa diin bantog man kita sa pagbinuligay kag paghugpunganay ilabi na kun may kalamidad.
Sa Cainta, Rizal, nangin bantog man ang mga kabataan nga ginakabig ‘hardcore gamers’ bangud apisar nagasaka na sa ila hawak ang tubig- baha sa sulod sang computer shop, nahimo pa nila nga padayunon ang ila paghampang sang ila paborito nga video game.
Apisar madamo sang nagdayaw sa mga kabataan sa ila “true gamers never quit” nga attitude, madamo man sang naghambal nga indi makabayad ang video games sa pagrisgo sang kabuhi.
Ini bangud ginpabuyan-buyanan lamang sang pila ka mga solterito ang nagasaka nga tubig-baha apisar sang peligro sang electrocution ukon pagka-kuryente sa diin naghinampang pa ang mga ini sang multiplayer matches.
Sa ulihe, narealisar man sang tag-iya sang computer shop ang dako nga peligro nga ginahimo sang mga kabataan rason nga ginpatay nalang ang mga computer agud makapauli na man ang mga gamers.
