Tama ka iwat ang baklanay sang mga bulak subong nga Valentine’s Day diri sa syudad sang Iloilo.
Sa interview sang Bombo Radyo kay Ava Miag-ao , 20 na ka tuig nga nagabaligya sang bulak sa Central market, iya ginpahayag nga dako ang epekto sang pandemya sa ila nga negosyo.
Sang naglinigad nga tuig, galab-ot sa masobra 100 ka dosena sang bulak ang mabaligya sini apang subong yara na lang sa 40 ka dosena ang iya order kag wala pa sang nagabakal bisan sa adlaw mismo sang paghigugma.
Suno sa iya, basura kun indi maubos ang mga bulak nga iya ginabaligya.
Mahimo nga magbakal sang bouquet of flowers ukon binilug nga roses nga subong nagabalor sang P100 kada stem.
