ILOILO CITY – Madahog ang baklanay sang mosquito repellents kasunod sang pagduging sang Dengue Hemorrhagic Fever sa syudad kag probinsya sang Iloilo.
Sa interview sang Bombo Radyo kay Sheila Mae Vilchez, isa ka Pharmacist sa syudad sang Iloilo, iya ginpahayag nga indi magnubo sa 24 ka sachet sang mosquito repellents ang mabakal sa ila pharmacy sa sulod sang isa ka adlaw.
Wala pa diri nadala suno kay Vilchez ang mga nabakal nga mosquito repellents nga nasulod sa botelya.
May yara naman sang mosquito repellents nga para sa mga kabataan kag para sa adults apang ang mas madahog suno kay Vilchez amo ang para sa mga kabataan.
