JARO, ILOILO CITY-Natumod na sang Bureau of Fire Protection ang gintunaan sang sunog nga nagluntad sa Blk. 15, Second Main Street, Alta Tierra Village, Jaro, Iloilo City.
Ang balay ginapanag-iyahan ni Hilarion Macahilig apang gina-istaran sang iya bata nga si Rosana Macahilig upod ang duha niya ka bata.
Sa interview sang Bombo Radyo kay FO3 Denmark Macoco, arson investigator sang Bureau of Fire Protection-Iloilo, iya ginpahayag nga nag-igrab nga kuryente ang gintunaan sang sunog nga naghalin sa daan nga kwarto nga wala na ginagamit.
Nahibaluan nga nagdangat sa tunga sa milyon ka pesos ang balor sang halit nga gintuga sang sunog.
