Padayon pa nga ginaimbestigaran sang Bureau of Fire Protection (BFP) ang ginhalinan sang sunog sa Petalsville Subdivision sa Tabuc Suba, Jaro, Iloilo City.
Sa interview sang Bombo Radyo Nita Pastolero Melendrez, tag-iya sang amo nga balay, iya ginpahayag nga posible bangud sa nakasaksak sa appliances naghalin ang sunog.
Suno kay Melendrez, wala man sang tawo ang ikaduha nga panalgan sang ila balay kag nagapanglaba siya sang makit-an nga nagadaba-daba na ang kalayo sa ila hagdanan.
Tuman man ang dismaya ni Melendrez bangud naubos sunog ang ila mga gamit, mga bayo kag importante nga papeles.
