ILOILO CITY- Nadulaan sang balay ang isa ka pamilya sa Sitio Lusong, Brgy. Lapaz, Nueva Valencia, Guimaras matapos ini nasunog.
Ang balay ang ginapanag-iyahan ni Maria Gracia Garde.
Sa interview sang Bombo Radyo kay Fire Officer 3 Mark Anthony Celis sang Bureau of Fire Protection- Nueva Valencia, iya ginpahayag nga nagbiya sa balay si Garde agud magpadulong sa barangay hall para magkuha sang module sang iya kabataan.
Suno kay Celiz, pagbalik ni Garde, ginalamon na sang kalayo ang iya balay.
Base sa imbestigasyon, may yara sang nakasun-ad nga tinig-ang sa dapog sang ginbayaan ini ni Garde kag posible nga ini ang ginhalinan sang sunog.
Wala naman sang tawo nga nasamaran sa nasambit nga sunog.
