ILOILO CITY– Upos ang isa ka balay matapos ang nagluntad nga sunog sa Q. Abeto, Mandurriao, Iloilo City.
Sa interview sang Bombo Radyo kay Rosie Paredes, tag-iya sang balay, iya ginpahayag nga wala niya ginlauman nga sa iya pagbalik gikan sa hospital, naupos sang kalayo ang iya balay.
Suno kay Paredes, nasigurado niya nga wala sang may nakasaksak nga appliances sa sulod sang balay nga posible ginhalinan sang kalayo.
Ginabanta nga P200,000 ang balor sang halit nga gintuga sang sunog.
