Ginlamon sang kalayo ang isa ka residential nga balay sa Zone 6, Barangay Sambag, Jaro, Iloilo City kaina sang aga.
Ang balay ang ginapanag-iyahan Elma Jamola, residente sang nasambit nga lugar.
Sa interview sang Bombo Radyo kay Elma Jamola, iya ginapahayag nga nagahimos siya sang iya nga nilabhan sang hinali lang nga nagkalayo ang ila nga kusina.
Suno kay Jamola, ginhingagaw pa nila nga basyahan ang ila balay apang indi gid mapunggan ang madasig nga paglapta sang kalayo.
Dugang sini nga sila lang nga duha nga babaye ang nabilin sa ila balay sang nagluntad ang sunog.
Gintuad man ni Jamola nga mismo sila ang nagdabok sang mga laya nga mga dahon nga posible naglaton sa ila kusina.
Nagapati man ini nga mahimo madasig ang pagkaon sang kalayo bangud sa human sa plywood pila ka parte sang ila balay.
Wala naman sang may nasalbar nga mga gamit ang natungdan lakip na ang mga importante nga dokumento kag papeles.
