ILOILO CITY- Ginlamon sang kalayo ang balay sang pamilya Hulleza sa Barangay Tacas, Jaro, Iloilo City.
Sa interview sang Bombo Radyo kay Punong Barangay Joseph Poral, iya ginpahayag nga nahamtang sa compound ang nasambit nga balay nga ginapanag-iyahan ni Nestor Hulleza.
Suno kay Poral, may iban pa nga balay sa compound apang wala man ini nalab-ot sang kalayo.
Wala naman sang tawo nga napilasan sa sunog.
Bukas naman ang barangay hall para temporaryo nga matiniran sang pamilya nga nasunugan.
Padayon pa nga ginaimbestigaran ang ginhalinan sang kalayo.
