Gin-lockdown na ang balay sang 80 anyos nga lalaki nga nagtaliwan bangud sa Coronavirus Disease 2019 (COVID-19) sa Bo. Obrero, Lapuz, Iloilo City.
Sa interview sang Bombo Radyo kay Tanod Commander Ramil Rubite, iya ginpahayag nga sang naguwa ang resulta ni WV 679 nga ngpositibo ini sa virus, gilayon nga ginpa-idalom sa lockdown ang balay.
Suno kay Rubite, gina-verify pa kun bala may naka close contact pa si WV 679 magluwas sa iya nga pamilya.
Sa subong, hugot nga ginabantayan sang mga barangay tanod ang pamilya ni WV 679 nga nagapabilin sa sulod sang ila nga balay.
