ILOILO CITY – Gin-lockdown ang palibot sang balay sang mag-asawa nga empleyado sang City Health Office kag Public Safety and Transportation Management Office nga nagpositibo sa COVID-19.
Matandaan nga ang bana nga driver sang Public Safety and Transportation Management Office ang una nga nagpositibo samtang ang tiayon naman nga empleyado sang City Health Office ang nalakip sa 16 ka panibag-o nga kaso sa Western Visayas as of July 4.
Sa interview sang Bombo Radyo kay Punong Barangay Efren Gimeo sang Jalandoni Estate, Lapuz, Iloilo City, iya ginpahayag nga padayon ang contact tracing sa ila lugar.
Suno kay Gimeo, may yara na sang ginkuhaan sang swab sample para sa COVID-19 test kag may iban naman nga ginpaidalom sa Rapid test.
Sa subong, ginahulat na lang nga magguwa ang resulta sang tanan nga COVID-19 test apang gin-athag sang natungdan nga yara sa quarantine facility ang mag-asawa.
