ILOILO CITY – Gina-validate pa sang Iloilo City Drug Enforcement Unit kun ginahimo man nga drug den ang balay sang pangayaw nga nadakpan sa ginpatigayon nga drug buy-bust operation sa Don Francisco Village, Brgy MH Del Pilar, Jaro, Iloilo City.
Ang main subject amo si Joval Ocana, 31, residente sang Rizal Street, Barangay Poblacion, Talisay City, Negros Occidental apang temporaryo nga nagatinir sa lugar.
Ang iban pa nga nadakpan amo sanday Arvin Guides, 46, residente sang Zone 4, Barangay MH Del Pilar, Jaro kag Paul Tubongbanwa, 32, residente sang Barangay Cari Mayor, Leganes.
Nakuha sa tatlo ang ginabanta 15 grams nga shabu nga may standard drug price nga P 102,000.
Sa interview sang Bombo Radyo kay Police Lieutenant Colonel Antonio Benitez, Jr., chief sang Iloilo City Drug Enforcement Unit, iya ginpahayag nga madamo sang na-recover nga drug paraphernalia sa balay nga gina-istaran ni Ocana.
Dugang pa niya, tatlo ka semana nga gintutukan sang operatiba ang amo nga durugista nga makabig nga high value individual.
Suno kay Benitez, isa ini sa mga durugista nga gin-divulge sang operatiba kag mangin sang mga tawo sa palibot.
Sa subong, pasakaan na sang kaso nga paglapas sa Republic Act 9165 ukon ang Comprehensive Dangerous Drugs Act of 2002.
