TUBUNGAN ILOILO– Naupos ang balay sang isa ka senior citizen matapos nagluntad ang sunog sa Brgy. Adjao, Tubungan, Iloilo.
Ang nasambit nga balay ang ginapanag-iyahan ni Linda Tabladillo, 62, sang nasambit nga lugar.
Sa interview sang Bombo Radyo kay Senior Fire Officer 4 Sofronio Espin Jr., sang Tubungan Fire Station, iya ginpahayag nga naga-isahanon lang sa balay ang biktima sang natabo ang sunog.
Suno kay Espin, human sa light materials ang balay rason nga madasig nga nagmakot ang kalayo.
Nagdangat sa P80,000 ang halit nga natuga sang sunog.
