Ginklaro sang abogado sang ginaalegar former bodyguards ni resigned Ako Bicol Party-list Rep. Zaldy Co nga wala nila gin-akusaran si Senator Kiko Pangilinan nga nagbaton man sang “maleta.”
Ini matapos gin-flash ang picture ni Pangilinan kag sang iya asawa nga si megastar Sharon Cuneta kadungan sang press conference sang ex-bagmen ni Co sang nagligad nga Martes, Hunyo 16.
Sa amo nga picture kun sa diin yara si Pangilinan kag si Sharon, yara man ang employees ni Co nga naangot sa flood control scam.
Sang amo nga adlaw, ginpresentar sang ex-bodyguards ang mga laragway sang maleta sa hangar sang Misibis Aviation ni Co. Gin-alegar nila nga nagdul-ong sila sang maleta nga puno sang cash sa mga pulitiko kag mangin sa mga journalist.
Wala na sila sang ginhatag nga dugang nga detalye, apang isa sa mga pictures nga ginpakita amo sanday Kiko kag Sharon.
Naakig ang singer-actress kasunod sang amo nga press conference kag gintawag nga mga butigon ang ex-bagmen.
Subong nga adlaw, ginklaro ni Atty. Levito Baligod nga wala man sang bisan isa sa ex-bodyguards ang nag-implicate kay Pangilinan. Suno pa sa iya, naham-ot siya bangud daw kaangay nga naga-“pre judge” si Pangilinan.
“Walang sinabi ‘yung mga [dating] sundalo [na tumanggap siya ng pera]… It’s just a picture of [employees of Misibis Bay],” suno kay Baligod.
Pahayag pa sini, ginhambalan niya ang naga-operate sang slides nga mag-move forward: “Kaya sabi ko doon sa nag-o-operate ng presentation ng slides, “Move forward, move forward. Hindi yan! Hindi yan!'”
Suno kay Baligod, nalakip ang picture ni Pangilinan sa presentasyon agud i-ilustrar ang mga tion kun sa diin ang helicopters kag aircraft nga ginaalegar naangot kay Co ang gin-gamit kadungan sang election campaign.
Suno sa iya, “It’s a number of pictures depicting the use of helicopters and air assets ni Zaldy Co by the couple. Hindi lang naman minsan eh… during the campaign,” suno pa kay Baligod.
Una na ginsiling ni Pangilinan nga magapasaka siya sang kaso kasunod sang amo nga press conference.
“At dahil dinamay niyo pa ang pamilya ko, makakatikim kayo ng hindi pasaring, alegasyon, o palabas na kaso sa korte. Pananagutan ninyo ang paninirang ginagawa niyo,” post ni Pangilinan sang Martes sang gab-i.#
