ILOILO CITY – Amat-amat na nga nagabalik sa kinaandan ang baligyaanay sang chorizo sa syudad sang Iloilo.
Ini ang kasunod sang paglamon sang meat nmixer sa isa ka empleyado sang frozen food factory sa Brgy. Mansaya, Lapuz, Iloilo City.
Sa interview sang Bombo Radyo kay alyas Toto Buko, manugbaligya sang Chorizo sa Iloilo Terminal Market, iya ginpahayag nga wala pa man sila nakabawi sa ila kita apang mas nangin madahog na ang baligyaanay sang Chorizo subong ipaanggid sa mga nakaligad nga semana.
Ginpahayag ni Toto Buko nga katunga sang ila benta ang nadula matapos ang makasiligni nga hitabo.
Sa pihak sini, ginpahayag sang natungdan nga sa amat-amat lang, madula ang sala nga pagpati sang mga manugbakal nga may yara sang simpon nga karne sang tawo ang ginabaligya nga Chorizo sa merkado.
