Iloilo City – Wala sang ipatuman nga pagnubo sa presyo sang mga baligya sa merkado sa Iloilo City.
Sa interview sang Bombo Radyo kay Charlie Chan, Federation president sang market vendors association sa syudad, iya ginpahayag nga sa bulan pa sang Marso mapanubo sang presyo ang mga manugbaligya.
Suno kay Chan, amat-amat pa lang nga nagabawi ang mga vendors sang ila capital sa ila baligya sa tion sang holiday.
Sa subong suno sa natungdan, nagapabilin ang presyo sang mga nagapanguna nga balaklon ilabi na ang baboy kag manok.
