ILOILO CITY- Indi tuman ka apektado ang negosyo sang mga nagabaligya sang frozen foods sa Syudad sang Iloilo sa tunga sang isyu sang African Swine Fever.
Sa interview sang Bombo Radyo kay Steve Legazpi, 25 ka tuig na nga nagahimo sang frozen foods sa Iloilo Central Market, iya ginpahayag nga maayo sa gihapon ang baklanay apang may mga bes man nga indi maayo ang baligyaanay.
Suno kay Legazpi, ginapasiguro man nila nga preska ang ila karne bangud naggikan ini sa slaughter house kag may nagakaigo nga resibo nga ginapakita ang supplier.
Pahayag pa ni Legazpi, isa lang ang supplier nila halin sang una tubtob subong rason nga wala man sila nagakabalaka sa kalidad sang karne nga gina-deliver sa ila.
