𝗪𝗔𝗟𝗘𝗦— Masami naton nga ginasiling nga kon kita ang late amo ang “It’s better to be late, than never nor absent”.
Apang, sa isa ka tumalagsahon nga tinion, matapos ang isa ka siglo… late apang nag-abot gidman ang isa ka sulat.
Ang isa ka postcard nag-abot sa iya gintuyo nga destinasyon sa Wales 121 ka tuig pagkatapos sang petsa sa iya postmark.
Suno sa Swansea Building Society, ang postcard nag-abot sa ila Cradock Street, Swansea, nga address upod ang nabilin nga sulat.
Ang postcard gin-address kay Lydia Davis, nga ang mga empleyado nagteorya nga mahimo nagapuyo sa address sadto sang isa ini ka balay sa baylo nga isa ka bangko.
Ginpahayag ni Henry Darby, official marketing and communication sang bangko nga ang address husto, 11 (kag 12) pa sila sa Cradock Street, apang 121 ka tuig na ang ulihi sangsa ginapaabot nga ginakabig niya makahaladlok.
Ang selyo mismo amo si King Edward, bangud siya ang Hari halin sang 1901 tubtob 1910, kag mahibaluan mo gilayon gikan sa sinulatan kag sa paagi sang paghambal sini, nga ‘Dearest, I could not’, it was very much of the time.”
Si Darby nagsiling nga ang kalabanan sang postcard indi na mabasa karon, apang ang postmark may petsa nga Agosto 3, 1903.
Ang isa ka tigpamaba sang Royal Mail nagsiling nga ang istorya sa likod sang ulihi nga pag-abot sang postcard indi maathag.
Suno sa iya, mahimo nga ini nga postcard ginbalik sa amon sistema sa baylo nga madula sa koreo sa sulod sang kapin sa isa ka siglo.
Ginsaysay man sini nga kon ang isa ka butang ang yara sa isa sistema, obligado sila nga idul-ong ini sa husto nga address apisar nga makaligad pa ang pila ka dekada.
